അരുത്

അരുത്!!ഭൂമിയുടെ അകക്കാമ്പില്‍ നിന്നും

അവസാനത്തെ നീരുറവയും ഊറ്റിയെടുക്കരുത്

അതില്‍ നിങ്ങള്‍ വിഷം കലര്‍ത്തരുത്

അരുത്!! പിഞ്ചു കരളിലേക്ക് നിങ്ങള്‍

അറിയാതെ ലഹരി കുത്തിവെക്കരുത്

ആയുസ്സിന്റെ കടിഞ്ഞാണ്‍ കയ്യിലെടുക്കരുത്

അമ്രതാണത്..ഞങ്ങളുടെ ജീവജലം

അവസാന ശ്വാസവും അകന്ന് പോകുന്നതിനു മുന്‍പ്

അധരം നനക്കാനിത്തിരി ജലം ബാക്കിവെക്കുക

അരുത്!! ഞങ്ങളുടെ അവസാനത്തെ
ആഗ്രഹത്തെയും നിഷേധിക്കരുത്